bnf5512.67 r bnf4888.17-b24. 6 bbb120.6r-40 AETAS QUARTA A DAVIDIS REGNO AD TRANSMIGRATIONEM HEBRAEORUM BABYLONIAM. HIDE LINKS TO MANUSCRIPTS
| 1 | [3125] Quarta aetas mundi. |
| 2 | David primus ex tribu Iuda rex, annis quadraginta. |
| 3 | Latinorum quintus, Silvius, annis quinquaginta. |
| 4 | Codrus sponte bnf4888.18 se hostibus offerens, interimitur. |
| 5 | Ephesus condita ab Andronico. |
| 6 | Carthago condita est a Didone filia Carchedonis Tyrii, anno centesimo quadragesimo tertio post Troianum excidium; prophetantibus in Iudaea Gath, Nathan et Asaph. |
| 7 | [3165] Salomon, filius David, annis quadraginta. |
| 8 | Qui quarto regni sui anno, mense secundo, templum Domino aedificare coepit in Ierusalem, collectis ab egressu Israel ex Aegypto annis quadragentis octoginta: quod in figuram universi temporis quo in hoc saeculo Christi aedificatur Ecclesia, quae in futuro perficitur septem annis, et septimo mense anni octavi dedicavit. |
| 9 | Latinorum sextus, Alba Silvius, Aeneae filius, regnat annis octoginta octo. |
| 10 | Regina Sabba venit audire sapientiam Salomonis. |
| 11 | [3205] Roboam, filius Salomonis, annis sexdecim. |
| 12 | Sub quo Ieroboam de tribu Ephraim separavit decem tribus a domo David, et a Domino, in figuram haereticorum qui suos sequaces a Christo et Ecclesia segregant. |
| 13 | Huius quinto anno Sesac rex Aegypti, veniens Hierosolymam, templum spoliavit. |
| 14 | Latinorum septimus Aegyptas Silvius, Albae superioris regis filius, regnavit annis viginti tribus. |
| 15 | Samus condita, et Smyrna in urbis modum ampliata. |
| 16 | Sybilla Erithraea illustris habetur. |
| 17 | [3882] Abia, filius Roboam, annis tribus. |
| 18 | Hic pugnantem contra se Ieroboam superavit, occisis de exercitu eius millibus quingentis, eo quod sperasset in Domino. |
| 19 | Sub quo Hebraeae gentis pontifex maximus Abimelech insignis est habitus. |
| 20 | [3885] Asa, filius Abia, annis quadraginta et uno. |
| 21 | Ab hoc conductus Benadab rex Syriae Damasci contra Israel, percussit omnem terram Nephtalim. |
| 22 | Prophetabant in Iudaea Achias, Eliu, Amos, Ioel, et Azarias. |
| 23 | Latinorum octavus Capys Silvius Aegypti, superioris regis filius, regnat annis viginti septem. |
| 24 | Asa idola destruit, templum mundat. |
| 25 | Egredientem contra se Zaraa Aethiopem cum suo sternit exercitu. |
| 26 | Amri Rex Israel emit montem Samariae, a Somer, duobus talentis argenti, et aedificavit eam. |
| 27 | Achiel bbb120.6v de Bethel, Iericho instaurat. |
| 28 | [3926] Iosaphat annis viginti quinque. |
| 29 | Elias, et Elisaeus, et Abdias, Azarias, et Micheas prophetabant. |
| 30 | Elias Thesbites, tres semis annos pluviam continuit, propter peccata Achab, et populi Israel, et inter caetera magnalia Elisaeum filium Saphat, qui erat de Abel Maula, pro se unxit prophetam. |
| 31 | Latinorum nonus Carpentus Silvius, superioris regis Capys filius, regnavit annis tredecim. |
| 32 | Post quem filius eius Tiberius decimus, annis octo. |
| 33 | Iosaphat fecit rectum coram Domino. |
| 34 | [3951] Ioram, filius Iosaphat, annis octo. |
| 35 | Elias curru igneo rapitur, quasi usque in coelum; et Elisaeus, haeres prophetiae derelictus, primo miraculo aquas Iericho sanat. |
| 36 | In diebus Ioram recessit Edom. |
| 37 | ne esset sub Iuda, et constituit sibi regem. |
| 38 | Ambulavit autem Ioram in viis domus Achab; bnf5512.67 v filia quippe Achab erat uxor eius. |
| 39 | [3959] Ochozias sive Azarias anno uno. |
| 40 | Ionadab filius Rechab clarus habetur. |
| 41 | Azariam cum filio suo Ioas, et nepote Amasia, ob enormitatem scelerum, et quia nec patrem filiumve quispiam eorum bonum habebat evangelista Matthaeus a Domini Salvatoris genealogia secludit. |
| 42 | [3960] Athalia, mater Azariae, annis septem. |
| 43 | Quae videns interfectum ab Iehu rege Israel filium suum Azariam, interfecit omnem stirpem regiam domus Ioram, praeter solum Ioas filium Azariae, quem Iozabeth uxor Ioiadae pontificis furata est de medio filiorum regis, cum interficerentur. |
| 44 | Ioiada pontifex, qui solus post Moysen vixisse annos centum triginta perhibetur. |
| 45 | [3967] Ioas, filius Azariae, annis quadraginta. |
| 46 | Iste bono principio et fine usus pessimo, in principiis suis templum innovavit. |
| 47 | In extremis inter caetera facinora, Zachariam bnf4888.19 quoque filium Ioiadae tutoris quondam ac regnificatoris sui, inter templum et altare lapidare praecepit; quem ob meritorum gratiam Dominus in Evangelio filium Zachariae, id est benedicti Domini, cognominat. |
| 48 | Lycurgus legislator Apollinis oraculo insignis habetur. |
| 49 | Latinorum duodecimus Aremulus Silvius. |
| 50 | Agrippae superioris regis filius, regnavit annis decem et octo, qui praesidium Albanorum inter montes, ubi nunc Roma est, posuit. |
| 51 | Cuius filius fuit Iulius proavus Iulii Proculi, qui cum suo populo Romam commigrans, fundavit Iuliam gentem. |
| 52 | Amasias, filius Ioas, annis viginti novem. |
| 53 | Elisaeus propheta defunctus sepelitur in Samaria. |
| 54 | Azahel rex Syrorum afflixit Israel. |
| 55 | [4047] Latinorum decimus tertius, Aventinus Silvius Aremuli superioris regis maior filius, regnavit annis triginta septem; atque in eodem monte qui nunc pars Urbis est, mortuus ac sepultus, aeternum loco vocabulum dedit. |
| 56 | Vienna urbs condita a Venerio Africae exsule, inde nominata, ut Livius in Annalibus scribit, quod biennio perfecta fuerit, primum Bienna, postmodum b subtracta, addita v, Vienna nuncupata. |
| 57 | Quam postea Romani, Senatu composito qui Gallias disponeret, Senatoriam appellare voluerunt. |
| 58 | Inde post aliquot tempora, quinque legionibus in ea compositis, quinque castris in circuitu eam insignem fecere; ac publica horrea et cellaria totius militiae ibi constituerunt. |
| 59 | Ex nominibus autem tribunorum Iulii Caesaris, nomina castris imposuerunt Crappum, Eumedium, Sospolum, Quiriacum, Pompetiacum. |
| 60 | [4076] Azarias, qui et Ozias, filius Amasiae, annis quinquaginta et uno. |
| 61 | Assyriorum tricesimus sextus, Tonosconleros, qui vocatur Graece Sardanapalus, qui Tharsum atque Anchialem condidit, et in praelio victus ab Arbace Medo, semet incendio concremavit. |
| 62 | Usque ad id tempus fuisse reges Assyriorum historiae referunt; et fiunt simul anni a primo anno Nini Regis Assyriorum, mille centum et sexaginta quatuor. |
| 63 | bnf5512.68 r Arbaces Medus, Assyriorum imperio destructo, regnum in Medos transtulit. |
| 64 | Deinde multis praeliis undique scatescentibus, per varios eventus ad Scythas Chaldaeosque, et rursum ad Medos parili via rediit. |
| 65 | Latinorum decimus quartus, Procas Silvius, Aventini superioris regis filius regnavit. |
| 66 | Post quem Amulius Silvius. |
| 67 | Hesiodus poeta claruit, atque Phidon Argius mensuras et pondera reperit. |
| 68 | Per idem tempus olympias prima constituitur. |
| 69 | Macedonum regnum inchoat, primum habens regem Cananum. |
| 70 | Lacaedemoniorum reges deficiunt; Lydorum incipiunt. |
| 71 | Osee, Amos, Isaias, et Ionas in Iudaea prophetant. |
| 72 | Ioathan, filius Oziae, annis sexdecim. |
| 73 | Olympias prima ab Eliensibus constituitur. |
| 74 | Remus et Romulus generantur, matre et Ilia. |
| 75 | Ioathan, inter caetera virtutum bonarum opera, portam domus Domini sublimissimam aedificavit, quae in Actibus Apostolorum Speciosa vocatur. |
| 76 | [4103] Achaz, filius Ioathan, annis sexdecim. |
| 77 | Ab hoc conductus Theglatphalasar rex Assyriorum, Rasin regem, Syriae interfecit, et habitatores Damasci transtulit Cyrenem. |
| 78 | Roma condita in monte Latino, undecimo Kal. Maii a geminis Remo et Romulo filiis Rheae Sylviae, quae erat filia Numitoris fratris regis Amulii, virgo vestalis, sed constuprata. |
| 79 | Consualibus ludis Sabinae raptae, anno ab Urbe condita tertio. |
| 80 | Remus a Fabio Romuli duce occisus. |
| 81 | [4119] Ezechias, filius Achaz, annis viginti octo. |
| 82 | Huius anno sexto Salmanasar rex Assyriorum, capta Samaria, transtulit Israel in Assyrios, atque in Iudaea Samaritas bnf4888.20 accolas misit. |
| 83 | Cuius regnum a primo Ieroboam steterat annis trecentis sexaginta. |
| 84 | Hoc tempore Romulus primus milites ex populo sumpsit, centumque a populo nobilissimos viros elegit qui ob aetatem, senatores, ob curam et sollicitudinem reipublicae, patres vocati sunt. |
| 85 | Mortuo Romulo, qui triginta septem annos regnavit, per quinos dies Senatores rempublicam rexerunt; atque unus expletus est annus. |
| 86 | Post quos Numa Pompilius, annis quadraginta et uno; qui Capitolium bbb120.7r a fundamentis aedificavit. |
| 87 | [4147] Manasses, annis quinquaginta sex. |
| 88 | Hic ob scelera sua catenatus et compenditus, in Babyloniam ducitur; sed ob poenitentiam et preces, restituitur in regnum. |
| 89 | Numa Pompilius, primus Vestales virgines instituit, duosque menses, Ianuarium et Februarium decem mensibus anni adiecit. |
| 90 | Sibylla Samia claruit. |
| 91 | Romanorum tertius, Tullus Hostilius, regnavit annos triginta duos, qui primus regum Romanorum purpura et fascibus usus est; adiecto monte Coelio et urbem ampliavit. |
| 92 | [4203] Amon, filius Manasse, annis duobus, in Hebraica veritate; in Septuaginta legitur regnasse duodecim. |
| 93 | Histrus civitas in Ponto condita. |
| 94 | Amon a servis suis interficitur. |
| 95 | [4205] Iosias, filius Amon, annos triginta unum. |
| 96 | Hic mundata Iudaea bnf5512.68 v et Hierusalem templo etiam innovato, post abiectas idololatriae sordes, pascha Domino celeberrimum facit decimo octavo anno regni sui; et cum Nechao Aegyptiorum rege congressus, occiditur in campo Mageddo, quae nunc Maximianopolis vocatur. |
| 97 | Thales Milesius, primus physicus clarus habetur. |
| 98 | Prophetabant in Iudaea, Ieremias, Oldas, et Sophonias. |
| 99 | Romanorum quartus Ancus Martius, Numae ex filia nepos, regnavit annis viginti tribus, qui Aventinum montem et Ianiculum Urbi addidit, et supra mare, decimoquinto ab Urbe miliario Hostiam condidit. |
| 100 | Post quem Tarquinius Priscus, annis triginta septem; qui circum Romae aedificavit, numerum senatorum auxit; Romanos ludos instituit, muros et cloacas aedificavit. |
| 101 | Capitolium exstruxit. |
| 102 | In Hebraeo, viginti et uno annis regnasse Iosias: in Septuaginta Interpretibus, triginta tribus legitur. |
| 103 | Sed et Eusebius inter regnum eius et Ioachim, alium de suo adiecit annum, propter menses bis terrenos quibus Ioachaz vel Ioachim regnaverunt. |
| 104 | Verum quid veritas habeat Ieremias pandit, qui se a decimo tertio anno Iosiae usque ad annum quartum Ioachim, viginti tribus annis prophetasse perhibet; et Nabuchodonosor quarto anno Ioachim regnare coepisse; decimo nono autem anno regni eius, Hierusalem fuisse destructam. |
| 105 | [4259] Ioachim, filius Iosiae, annis undecim. |
| 106 | Post Iosiam regnavit Ioachaz mensibus tribus; quem Nechao vinctum ducens in Aegyptum, Ioachim constituit regem. |
| 107 | Huius anno tertio Nabuchodonosor, capta Ierusalem, et plurimis captivatis, in quibus erant Daniel, Ananias, Azarias, Misael, partem vasorum templi Babyloniam transfert. |
| 108 | A quarto Ioachim anno Scriptura regnum Nabuchodonosor computat: quia ex eo non solum Chaldaeis, et Iudaeis, sed et Assyriis, Aegyptiis, Moabitis, aliisque innumeris gentibus incipit regnare. |
| 109 | Ioachim, qui et Iechonias, filius Ioachim, mensibus tribus ac diebus decem. |
| 110 | Hic circumdata a Chaldaeis Ierusalem, exiit ad regem Babylonis, et mater eius, et ductus est in Babylonem cum populo suo anno octavo regni Nabuchodonosor. |
| 111 | [4347] Sedechias, annis undecim, qui et Mathan, filius Iosiae. |
| 112 | Huius anno undecimo, regis Babylonis novenario. |
| 113 | Iudaea captivata in Babyloniam, et templum bnf4888.21 Dei incensum, aedificationis suae anno quadringintesimo tricesimo. |
| 114 | Qui autem reliqui fuerant Iudaei, transfugerunt in Aegyptum qua post annos quinque percussa a Chaldaeis, in Babyloniam sunt et ipsi transmigrati. |
| 115 | Secundum Septuaginta interpretes anni computantur ab aedificatione templi, quadringenti quinquaginta quatuor. |
| 116 | Per idem tempus Sapho mulier in diverso poemate claruit; Solon leges Atheniensibus dedit. |
| 117 | In hac quarta aetate, in David manu forti, parvo in fratribus uncto, regis nostri Christi Sacramenta figurantur. |
| 118 | Qui pastor ovium, unctus a Deo Patre, de ore leonis diaboli, et Petrum negantem, et latronem eripuit confitentem. |
| 119 | bnf5512.69 r Cuius citharam, si respicias resonantem, quam ligno crucis carnis membrorumque suorum chordis aptatam plectro dum tangit sancti Spiritus, omne animal replet benedictione, et diabolum de cordibus fugat iniquorum, pro quibus in cruce oravit. |
| 120 | Qui adversus magnum hostem verum Goliath pugnaturus, sapientiam huius mundi, tanquam illa arma Saul reiiciens in quinque lapidibus, stulta mundi elegit, ut confundat fortia. |
| 121 | Ex quinque enim libris legis Moysis, unus lapis praedictis fundibulo carnis locatus, manu forti expressus, totam diaboli superbiam elisit, suoque peremit gladio, dum mortem ex morte occidit. |
| 122 | Ex cuius victoria inimici Iudaei invidiam conceperunt, et pro dilectione odium retribuerunt. |
| 123 | Quod idem David per latebras montium, per speluncas ac deserta inimico persequente discurrit, membrorum suorum ac martyrum persecutiones expressit. |
| 124 | Quod inimico suo pepercit, pinnam chlamydis eius abscindens, figuras quod hostibus suis dum abscidit vitium magnum superbiae parcit, ne dentur aeternae occisioni. |
| 125 | Quod declinans persecutoris insidias, fugit in Geth; sic Christus saevientibus Iudaeis subtrahens se gentibus dedit. |
| 126 | Arreptitium idem se simulans, dum salivae illius in barbam decurrunt, Christi firmitatem sapientia conditam, et sacratissimum corpus ipsius in sanctificato pane gestatum manibus suis presbyteri mysterio nobis insinuat. |
| 127 | Idem David dolet occisum inimicum Saul: quia et Christus suos plurimum dilexit inimicos. |
| 128 | Ad David unctum totus colligitur Israel; ad Christum ut promissum est totus colligitur mundus. |
| 129 | In David Christus ille desiderabilis omnibus gentibus quasi in solatium deambulans, quia in sole posuit tabernaculum suum, adamavit Ecclesiam super tectum se lavantem, id est, emundantem se a sordibus saeculi, et domum luteam spiritali contemplatione transcendentem atque calcantem: et inchoata bbb120.7v cum illa primae conventionis notitia, postea ab ea penitus separatum diabolum occidit, eamque sibi perpetuo connubio copulavit. |
| 130 | David senili aetate confecto Abisac virgo, quae eum calefaceret, applicatur: senio urgente mundo, verus David Christus sibi virginem calentem fide applicat Ecclesiam. |
| 131 | In Salomone pax nostra, qui est Christus expressus, in quo sapientia Christus, veniens mittere gladium in terram, haereticorum fraudem removens verae matri Catholicae uti parvulum non divisum, vivum reddit statum; nec vult propter iurgium haereticorum scindere et dimidiare filium qui ex vivis lapidibus domum construens, unum ex omnibus fidelibus templum fecit: ad quem visendum sapientiamque bnf5512.69 v eius audiendam, regina Saba, id est Ecclesia, a finibus terrae venit. |
| 132 | Universa itaque quae de Salomone, vel ab eo prophetice gesta sunt recte Christo Domino consignantur. |
| 133 | Ne quis autem putaret in Salobnf4888.22mone cuncta impleta quae prophetice de Christo dicebantur, in senectute depravatus, sapientiam divino iudicio amisit, ut in Christo Domino omnia illa quae signata fuerant, servarentur. |
| 134 | Caeterum fornicatus mente et corpore, Domino se deserente, male obiisse videtur: metuendum exemplum posteris relinquens, ne felicitate huius vitae turbati, Christum deserant; quod est suorum aeterna felicitas. |
| 135 | In divisione regni, ac totius populi pene Israelitici a domo David, haereticorum et schismaticorum ostenditur figura. |
| 136 | In Elia Christus; qui per figuram vespere saeculi ut vitulus immolatus, sacerdotes omnes idololatriae cum ipso errore simul exstinxit, replens terram gratiae pluvia, qua fames fidelis animae repellatur. |
| 137 | Quod eidem Eliae in eremo constituto corvi panem mane et carnes vespere ministrant, figura totius corporis Domini monstratur: quia primum in praeceptis panem, postea carnem Dominicae passionis ex ligno crucis decoctam Iudaei tetri colore gentibus ministrarunt. |
| 138 | Tribus temporibus etiam et dimidio temporis in tribus annis et sex mensibus coelestis pluvia Dei alto iudicio negatur eis, qui carnem eius non comedentes neque eius sanguinem bibentes, redempti ab eius corpore inveniuntur alieni. |
| 139 | Elias pastus a vidua, Christus misericordiae opera suscipiens, et recompensans in Ecclesia, quae adhuc vidua in agro sacrarum Scripturarum per duo ligna crucis, duo praecepta colligit, ut sibi filiisque in tempore famis consulat. |
| 140 | In Elisaeo etiam duplex spiritus Eliae discipulorum chorus Christi, Spiritum sanctum duplo munere accipiens. |
| 141 | In mortuo suscitato, genus humanum per Christum afflatu gratiae suscitatum, quem lex nullo modo suscitare valuit. |
| 142 | Iordanem Elisaeus eodem spiritu operante transit; quo noster Dominus Iesus eumdem fluvium suo in Baptismo consecravit. |
| 143 | Insultant pueri Elisaeo, et a bestiis sunt lacerati: insultant Iudaei Christo, et a Romanis vel malignis spiritibus sunt pervasi. |
| 144 | Naaman Elisaeus septies lavari, ut purgaretur a lepra, in Iordane iubet: septiformis gratiae spiritu mundari a vitiis animam, quibus interior exteriorque homo polluitur, signat: quod etiam aqua psa demonstrat qua tinguntur consecrati, in nomine Patris et Filii et Spiritus sancti. |
| 145 | Giezi puer prophetae munera Naaman accipiens, et per hoc maculis leprae respersus, haereticos ostendit, qui venditantes velut expiationes peccatorum, qui quoque maculis, quibus ipsi fuerant aspersi supplentur. |
| 146 | In Ezechiae regis signo Christi descensus, qui est Sol iustitiae; et etiam inferna misericorditer penetrantis figura bnf5512.70 r praesignatur: qui etiam docet nos in bono nunquam prosperitatis efferri. |
| 147 | In Iosiae actibus, Christus verum pascha nobis factus aperte expressus, Ecclesiam suam mundans et expurgans, pro qua mortuus est. |
| 148 | Cuius filii ob meritum culpae in captivitatem ducti, qui gratiam Christi in vacuum ducunt, designant: et praecepta Christi velut Ieremiae parvipendentes, diabolo velut Nabuchodonosor, captivi vitiis traduntur. |
| 149 | Concluditur autem haec aetas quarta mundi a David usque ad transmigrationem in Babyloniam, continens annos quadringintos septuaginta. |